- თქვენი კალათა ცარიელია სერვისების ნახვა
SLA აღწერს გაზომვად მომსახურების დონეს. კონკრეტული პაკეტის შეკვეთის გვერდზე მითითებული მაჩვენებელი და ინდივიდუალური ხელშეკრულება ამ საერთო ჩარჩოზე უპირატესია.
1. ხელმისაწვდომობის მიზანი
თუ პაკეტის აღწერაში მითითებულია 99.9% ან სხვა თვიური uptime მიზანი, ის იზომება შესაბამისი სერვისის საჯაროდ ხელმისაწვდომი ინფრასტრუქტურის დონეზე კალენდარული თვის განმავლობაში.
2. გაზომვა
Downtime ითვლება Astronaut-ის მონიტორინგით დადასტურებული უწყვეტი მიუწვდომლობის პერიოდად. ნაწილობრივი დეგრადაცია, რომელიც სერვისს მთლიანად არ თიშავს, შეფასდება ინციდენტის გავლენის შესაბამისად.
3. გამონაკლისები
- წინასწარ გამოცხადებული ტექნიკური სამუშაო;
- მომხმარებლის კოდი, კონფიგურაცია, რესურსის ამოწურვა ან მესამე მხარის DNS/ინტერნეტი;
- DDoS, force majeure ან კანონიერ მოთხოვნაზე რეაგირება;
- ბეტა, უფასო ან მკაფიოდ არასაწარმოო სერვისი.
4. ინციდენტის პრიორიტეტი
| დონე | მაგალითი | სამიზნე პირველი პასუხი |
|---|---|---|
| P1 კრიტიკული | Production სერვისი სრულად მიუწვდომელია | პაკეტში მითითებული 24/7 არხი; პრიორიტეტული რეაგირება |
| P2 მაღალი | ძირითადი ფუნქცია მნიშვნელოვნად დაზიანებულია | მოქმედი მხარდაჭერის ფანჯრის ფარგლებში |
| P3 სტანდარტული | კონსულტაცია ან მცირე ხარვეზი | რიგის და პაკეტის მიხედვით |
5. სერვის-კრედიტი
თუ ფასიანი პაკეტის კონკრეტული SLA დაირღვა, ანგარიშის მფლობელმა უნდა გახსნას ტიკეტი ინციდენტიდან 30 დღის განმავლობაში. დადასტურებული კრედიტი გამოიყენება მომდევნო ინვოისზე და არ აღემატება შესაბამის პერიოდში გადახდილ სერვისის საფასურს.
6. დაგეგმილი სამუშაო და კომუნიკაცია
შესაძლებლობისას დაგეგმილი სამუშაო წინასწარ ქვეყნდება Status გვერდზე ან ეგზავნება ანგარიშის საკონტაქტო პირს. აქტიური ინციდენტის განახლებები ქვეყნდება გონივრული ინტერვალით.